Uncategorized

रुपन्देही बाल गृहलाई प्रसाद फाउन्डेसन र रुपन्देही सेवा समाजबाट सहयोग प्रदान !!!

शशि पन्थी भैरहवा, २ फागुन । रुपन्देही सेवा समाज टेक्ससास अमेरिकाले शुक्रबार सिद्धार्थ बालगृह भैरहवालाई नगद ३० हजार सहयोग गरेको छ । सिद्धार्थ बालगृहका सञ्चालक कृष्णमाया गुरुङलाई सो रकम समाजका अध्यक्ष जगदिश न्यौपाने र शिक्षाविद् बालकृष्ण भट्टराईले संयुक्त रुपमा हस्तान्तरण गरे । सहयोग रकम हस्तान्तरण गर्दै प्रमुख अतिथि भट्टराईले समाजका अध्यक्ष न्यौपानेले गरेको पुण्य कामको प्रशंसा गरे । उनले बालबालिकालाई अध्ययनमा लाग्न सुझाव पनि दिए । रुपन्देहीबाट अमेरिका गएर बसेका नेपालीहरुले देउसीभैलो खेलेर बचेको पैसा नेपालमा आएर बालगृहमा रहेका बालबालिकालाई सहयोग गरेको अध्यक्ष न्यौपानेले बताए । यस अघि अमेरिकामा बस्दै आएका प्रसाद फाउण्डेशनका अध्यक्ष पुण्डरी अर्यालद्धारा पनि बालगृहलाई सहयोग गरेको प्रेरणाले यो गर्न उत्साह मिलेको उनले बताए । फाउण्डेशनका अध्यक्ष अर्यालद्धारा हरेक वर्ष प्रदान गर्दै आएको दुई जना बालबालिकालाई ६ हजारका दरले १२ हजार छात्रवृति पनि कार्यक्रममा हस्तान्तरण गरिएको थियो । सो अवसरमा तिलोत्तमा नगरपालिका–८ निवासी अंकित मेडिकल हल बुटवलका सञ्चालक कृष्ण न्यौपानेले पनि बालगृहलाई नगद ५ हजार सहयोग गरे । उनले बालगृह सञ्चालनमा केही सहयोग गर्न इच्छा लागेकाले सो सहयोग गरेको बताए । कार्यक्रममा बालगृह सञ्चालक कृष्णमाया गुरुङले विभिन्न आरोह अवरोहका बीच गरेर बालगृह यहाँसम्म पुगेको बताइन् । उनले सहयोग गर्नेलाई आभार व्यक्त गरिन् । कार्यक्रममा लुम्बिनी प्रेस क्लबका कार्यसमिति सदस्य शंकर पाण्डेले सञ्चारको क्षेत्रबाट बालगृहलाई सक्दो सहयोग गर्ने बताए । साहित्यकार रुद्र ज्ञवालीको सञ्चालनमा कार्यक्रम सम्पन्न भएको थियो । बालगृह ८ वर्षअघि देखि लुम्बिनीरोडमा सञ्चालनमा आएको हो । बालगृहमा हाल १९ जना बालबालिका रहेका छन् ।

प्रसाद फ़ाउण्डसन यु.एस.ए. द्वारा असहाय बालबालिकाहरुलाई छात्रावृति देखि साइकलसम्म सहयोग

१४ पौष २०७५ तदनुसार २९ डिसेम्बर २०१८ शिद्धार्थनगर, भैरहवा प्रसाद फ़ाउण्डसन यु एस ए को आयोजनामा १४ पुष २०७५ शनिवारका दिन रुपन्देहीको भैरहवामा सहयोग तथा सम्मान कार्यक्रम सम्पन्न भयो। सिद्धार्थ बाल गृहको सभा हलमा आयोजित सो कार्यक्रममा सिद्धार्थ बाल गृहका बाल बालिकाहरुका लागि सहयोग स्वरुप साइकल प्रदान गरिएको थियो। समाजसेवी कृष्ण कुमारी गुरुङको एकल प्रयासमा संचालनमा रहेको सिद्धार्थ बालगृहमा हाल १८ जना असहाय बालबालिकाहरुले आश्रय पाइरहेका छन्। ति बालबालिका को पढाइ र संरक्षणको सम्पूर्ण जिम्मेवारी सो बाल गृहले बहन गर्दै आएको छ। बाल गृहका संचालक कृष्ण कुमारी गुरुङका अनुसार सरकारी स्तरबाट असहाय शिशु हस्तान्तरण गर्नु बाहेक हालसम्म कुनै किसिमको आर्थिक या भौतिक सहयोग प्राप्त भएको छैन। संचालकको प्रयास र सहयोगी दाताहरुको सहयोगबाट सो बाल गृह संचालन हुँदै आएको छ। संचालक कृष्ण कुमारी गुरुङका अनुसार उनका बाबा आमा युकेमा बस्नु हुन्छ र उहाँलाई उतै बोलाइ रहनु भएको छ। तर संचालिकालाई आफ्नो सुख सुविधा भन्दा बालगृहमा आश्रित असहाय बालबालिका प्रतिको जिम्मेवारी महत्वपूर्ण लाग्छ। त्यसैले उहाँ बेलायतको सुख सुविधा त्यागेर असहाय बालबालिकाको उद्दारमा लाग्नु भएको छ। उहाँको यो उक्त सेवाको सम्मान गर्दै प्रसाद फ़ाउण्डेसनले “प्रसाद समाज सेवा सम्मान” बाट सम्मानित गरेको छ। ले बाल गृहका छात्रा सुमित्रा भण्डारी र संगीता मल्लाहालाइ १२ कक्षासम्म अध्ययन गर्नको लागि वार्षिक रु ६००० का दरले छात्रवृत्ति प्रदान गर्ने घोषणा गर्दै यस वर्षको छात्रवृति वापतको चेक रकम हस्तान्तरण समेत गर्नु भयो। प्रसाद फ़ाउण्डेसन कि लक्ष्मी अर्याल, शहिद स्मृति पुस्तकालय सिद्धार्थनगरका तारा प्रसाद शर्मा, शान्तिदीप सामुदायिक स्वास्थ्य संस्थाका बसन्त मणि पोखरेल, मानव अधिकारकर्मी भिष्म पन्थी, लुम्बिनी बहुउद्देश्यीय सहकारी संस्थाका गीता शर्मा र सोहि संस्थाका भीष्मा पोखरेल लगायतको उपस्थिति रहेको सो कार्यक्रमको अध्यक्षता फ़ाण्डेशनका अध्यक्ष पुण्डरी अर्याल र संचालन साहित्यकार रुद्र ज्ञवालीले गर्नु भएको थियो। यस कार्यक्रमको पुरै छायांकनको जिम्मा भने साझा टिभी का प्रतिनिधि विप्लप पोखरेलले गर्नुभएको थियो। विस्तृत जानकारीको लागि तलको भिडियो हेर्नुहोस्

Lifetime Members List

lifetime member Founder President/Lifetime Member: Mr. Prasad P. Aryal Lifetime Member : Mrs. Laxmi Aryal Lifetime Member : Mr. Bipin Aryal Lifetime Member : Mr. Bishal Aryal Lifetime Member : Mr. Krishna Bahadur Pachhai Lifetime Member : Mr. Nam Lal Shrestha Lifetime Member : Mrs. Kamala Shrestha Lifetime Member : Mr.Gobind Bahadur Shrestha Lifetime Member : Mrs. Indira Achary