Community

प्रसाद फाउन्डेसन र साझा टिभीको सहयोग कार्यक्रम

साझा टि.भी “sajha.tv” र प्रसाद फाउन्डेसन अमेरिकाको सहकार्यमा सहयोग कार्यक्रममा शैक्षिक सामाग्रीको साथै जलपानको कार्यक्रम सम्पन्न भएको छ । बैशाख २ गते तिलोत्तमा नगरपालिकाको कोटिहवा स्थित नेपाल इटरनिटी अर्फन होममा १७ जना बालबालिकाको साथमा कार्यक्रमलाई भव्य रूपमा समापन गरियो । साझा टि.भी का टिम बिशाल अर्याल, बिप्लब पोखरेल, वर्षा शर्मा र क्यामेरापर्सनमा अन्कुश त्रिपाठीद्वारा सन्चालन गरिएको यस टि.भी ले साउदीमा बस्ने श्रेष्ठ परिवारको सहयोगमा यस कार्यक्रमलाई भव्य रुपले समापन गर्न सफल भएको छ । त्यस्तै प्रसाद फाउन्डेसनका अध्यक्ष्य पुण्डरी अर्यालले साझा टि.भी सँग सहकार्य गरी अघी बढ्ने कुरा सबैमा व्यक्त पनि गर्न चाहन्छौ । कार्यक्रमको सन्चालन बसन्त पोखरेलले गर्नु भएको थियो भने विशिष्ठ अतिथीमा साहित्यकार रुद्र ज्ञवालीले “हरेक व्यक्ती ठुलो हैन राम्रो हुनुपर्छ” जस्ता कुराहरु बालबालिकालाई सुनाएर उनीहरुलाई प्रोत्सान गर्नु भएको थियो । साझा टि.भी को टिम मेम्बर वर्षा शर्माले पनि स्वागत मन्तब्य दिदै कार्यक्रममा आफ्नो दुई शब्द राख्नु भएको थियो भने सहभागीको तर्फबाट बालग्रिह कि छात्रा कृपा तामाङले पनि मन्तव्य दिनुभएको थियो । यस अर्फन होममा १७ जना बालबालिका रहेको संस्थाका प्रमुख कृष्ण ज्ञवालीले जानकारी गराउनुको साथै संस्थाको दिगोपनका लागि आफुले विभिन्न सरोकारवालाहरुसँग समानवय र सहकार्य गरिरहेको अवगत गराउनु भयो । नयाँ वर्षको अवसर पारेर यो सहयोग कार्यक्रम साझा टि.भी ले गरेको थियो | यस कार्यक्रममा १७ जना बालबालिकाहरुलाई स्कुल ब्याग र कपी हस्तान्तरण गरी खाना पनि खुवाएको थियो । यो सहयोगले उनीहरुको मुहारमा मुस्कान छर्न भने हामी पक्कै सफल भएका छौ । साझा टि.भी मा सुजन सिग्देल, बादल मल्ल, नेहा थपालिया बस्नेत र अन्य साथीहरुले कार्यक्रम गरेर हामीलाई सहयोग गर्नु भएकोमा धन्यवाद दिन चाहन्छौ र आउने दिनहरुमा यहाँहरुको र अरु थप साथीहरुको साथ र सहयोग रहने छ भन्ने अपेक्षा गरेका छौ । तपाईंहरु पनि हामीलाई सहयोग गरी यस्तै पुन्य काम गर्न चाहनुहुन्छ भने हामी लाई संपर्क गर्नुहोस् । प्रसाद फाउन्डेसन

News of Prasad Foundation in Vishwa Sandesh (Nepalese Paper)

Prasad Foundation न्युयोर्क । ‘सुखी र स्वस्थ जीवन’को परिकल्पना र नेपाली ज्येष्ठ नागरिकका लागि सामुदायिक केन्द्र स्थापना गर्ने उद्देश्य बोकेर स्थापना भएको प्रसाद फाउण्डेसन दोस्रो वर्षमा प्रवेश गरेको छ । न्यूयोर्क, ज्याक्सन हाइटस्थित चौतारी रेष्टुरेन्टमा एक भव्य समारोहबीच संस्थाले आफ्नो पहिलो वार्षिकोत्सव मनाएको छ । पण्डित हरि अधिकारीको स्वस्ती वाचनबाट शुरु गरिएको कार्यक्रममा संस्थाका अध्यक्ष पुण्डरी अर्यालले संस्था गठनको उद्देश्य, परिकल्पना, लक्ष्यमाथि प्रकाश पारेका थिए । उनले प्रसाद फाउण्डेसन विशुद्ध गैरनाफामूलक सामाजिक संस्था भएको बताउँदै यसको लक्ष्य प्राप्तिका लागि सबैको सहयोग अपरिहार्य भएको बताए । सचिव बन्धु पोख्रेलले वार्षिक प्रतिवेदन पेश गर्दै संस्थाले १ वर्षदेखि ज्याक्सन हाइटमा विविध कार्यक्रम सञ्चालन तथा आयोजना गरेको अवगत गराए । उनले योगा तथा ध्यान कक्षा निःशुल्क सञ्चालन, नेपाली महिलाहरुको महान चाड तीजमा विशेष कार्यक्रम आयोजना गरिएको, न्यूयोर्क सिटीले आयोजना गरेका विभिन्न कार्यक्रममा सहभागी भएको र नेपाली ज्येष्ठ नागरिकका लागि सामुदायिक केन्द्र स्थापनासम्बन्धी परियोजनाका लागि डा. कमलराज पाण्डेको संयोजकत्वमा छुट्टै समिति गठन गरिएको जानकारी दिए । प्रमुख अतिथि उपमहावाणिज्य दू त प्रवीण भट्टराईले न्यूयोर्कमा नेपालीहरुले स्थापना गरेका झण्डै १ सय संस्थाको बीचमा यो संस्था छुट्टै उद्देश्यले शुरु गरिएको र यसले गर्न गर्न खोजेका पवित्र कार्यमा सबैको सहयोग जरुरी रहेको बताए । कार्यक्रममा गैरआवासीय नेपाली संघ राष्ट्रिय समन्वय समिति अमेरिकाका उपाध्यक्ष बन्दना कोइराला, नेपाली एकता समाजका सदस्य सचिव दिपु भुसाल, अन्तर्राष्ट्रिय नेपाली साहित्य समाजका निवर्तमान अध्यक्ष तथा बोर्ड अफ ट्रष्टीका उपाध्यक्ष गीता खत्री, अधिकारकी नर्वदा क्षत्री, एन एण्ड जे इन्टरटेनमेन्टकी कमला प्रसाईं, गैरआवासीय नेपाली संघ राष्ट्रिय समन्वय समिति अमेरिकाका पूर्वउपाध्यक्ष बनिता कतिला, समाजसेवी अजय झोछु, राजनीतिज्ञ शालिकराम शाह र साहित्यकार तथा रजहर क्याम्पस नवलपरासीका पूर्वप्रमुख प्रेमराज सापकोटा, पत्रकार विष्णु सिंह र समाजसेवी तथा व्यवसायी बुद्धिप्रसाद रेग्मीलगायतले संस्थाको प्रगतिको कामना गर्दै शुभकामना व्यक्त थिए । कार्यक्रममा साहित्यकार सापकोटाले ज्येष्ठ नागरिकको महत्व दर्शाउने छन्दबद्ध कविता लयबद्धरुपमा वाचन गरेका थिए ।

NYC Comptroller Office Workshop Program

On Feb 04, 2015 New York City Comptroller Office had one day workshop program and Prasad Foundation Team went there to join the program. Scott M. Stringer is the current New York City Comptroller, where President Prasad P Aryal and member Kamala Prasai got a chance to meet him and join the program. Below are the some images taken during the program.